يري جمال عبد الحميد نجم منتخب مصر الأسبق، أن السويسري مارسيل كولر مدرب الأهلي السابق، تعرض للظلم بعد مسيرته التاريخية مع القلعة الحمراء، ويستعرض تليجراف الخليج التفاصيل. 

جمال عبد الحميد يعلق علي رد فعل الجماهير في الفتوة الأخيرة لكولر مع النادي الأهلي 

وقال جمال عبد الحميد :"كولر خد كل البطولات مع الأهلي مفيش بطولة شارك فيها إلا وفاز بيها وفي الاخر رموه بزجاجات المياة".

ويضيف جمال عبد الحميد :"كولر أول لما خسر أفريقيا جمهور الأهلي رمي عليه زجاجات المياة "

وتابع جمال عبد الحميد :"ياسر إبراهيم الكورة اصطدمت  في قدمه غصب عنه دخلت جول ..ليه أضرب المدرب بزجاجات المياة ".

جمال عبد الحميد : مصطفي محمد خليفتي لو مراحش الاهلي

في سياق متصل يري جمال عبد الحميد نجم منتخب مصر الاسبق أن مصطفي محمد نجم نانت الفرنسي هو خليفته في الملاعب بشرط ألا يلعب للأهلي

وقال جمال عبد الحميد خلال تواجده ضيفا مع عمر ربيع ياسين ببرنامجه مان تو مان عبر صفحته الرسمية :"أنا بحب مصطفي محمد وبعتبره خليفتي لكن مش عايزه كل شوية يقول مش هلعب للاهلي وفي الاخر الاقيه ماضي من سنة وعامل اعلان ".

ويضيف جمال عبد الحميد :"نفسي يكون مصطفي محمد صريح يعني لو جاله عرض من الأهلي يتكلم بصراحة زي اكرم توفيق اللي راح الشمال القطري ".

وتابع جمال عبد الحميد :"لو مصطفي محمد راح الاهلي مش هيبقي خليفتي ولا أعرفه ".