أكد عبد الحميد حسن "ميدو" نجم الأهلي الأسبق، أن محمود الخطيب رئيس النادي الأهلي جامد ومحدش يقدر يكسبه في الانتخابات حتى لو كان ياسين منصور، ويستعرض تحيا نصر التفاصيل. 

عبد الحميد حسن: مافيش حد بينزل قدام الخطيب في الانتخابات عشان بيبو جامد وبيكسب أي حد 

وقال عبد الحميد حسن الذي حل ضيفا على الإعلامى عمر ربيع ياسين في برنامجه "مان تو مان": "بص مفيش حاجة اسمها مش هنزل أمام محمود الخطيب في الانتخابات احتراما له الكلام مش صح، محدش بينزل علشان الخطيب جامد ويكسب أي حد".

وتابع نجم الأهلي الأسبق: "ياسين منصور لم يقل أنه نازل الانتخابات كله كلام من ناس غيره، والخطيب يكسب أي حد ولو فيه واحد يقدر يكون ند للكابتن محمود الخطيب هينزل مفيش حاجة أسمها احترام فى الحاجات دي الكلام ده مش صح".

وأضاف عبد الحميد حسن: "لو أنا أعرف أني هكون ند بند مع الكابتن الخطيب هنزل الانتخابات، لكن مينفعش الخطيب يمد أيده للناس والناس متسلمش عليه، مينفعش ينزل في حتة والناس تقوله لا".

الأهلي يواجه إيجل نوار في دور الـ32 بدوري أبطال إفريقيا

الفريق الأول لكرة القدم بالنادي الأهلي يواجه إيجل نوار البوروندي في دور الـ32 بدوري أبطال إفريقيا، ووفقًا للمواعيد المعلنة سلفًا من الاتحاد الإفريقي لكرة القدم (كاف).

 تقام مباراة الذهاب في دور الـ32 أحد أيام 17 و18 و19 أكتوبر المقبل في بوروندي، فيما تقام مباراة العودة أحد أيام 24 و25 و26 أكتوبر بالقاهرة. 

وتأهل فريق إيجل نوار إلى دور الـ32 بعد تخطي نظيره فريق أساس تيليكوم الجيبوتي في مجموع لقاءي الذهاب والعودة بالدور التمهيدي الأول، حيث انتهت مباراة الذهاب بين الفريقين التي أقيمت في بوروندي بالتعادل السلبي، فيما انتهت مباراة العودة بالتعادل الإيجابي بهدف لكل فريق، وانتزع الفريق البوروندي بطاقة التأهل إلى الدور التمهيدي الثاني في دوري الأبطال، مستفيدًا من التسجيل خارج أرضه.