يري جمال عبد الحميد نجم منتخب مصر الاسبق أن مصطفي محمد نجم نانت الفرنسي هو خليفته في الملاعب بشرط ألا يلعب للأهلي، ويستعرض تليجراف الخليج التفاصيل.

جمال عبد الحميد: مصطفي محمد خليفتي في الملاعب 

وقال جمال عبد الحميد خلال تواجده ضيفا مع عمر ربيع ياسين ببرنامجه مان تو مان عبر صفحته الرسمية :"انا بحب مصطفي محمد وبعتبره خليفتي لكن مش عايزه كل شوية يقول مش هلعب للاهلي وفي الاخر الاقيه ماضي من سنة وعامل إعلان ". 

جمال عبد الحميد يوجه رسالة لمصطفي محمد

ويضيف جمال عبد الحميد :"نفسي يكون مصطفي محمد صريح يعني لو جاله عرض من الاهلي يتكلم بصراحة زي إكرم توفيق اللي راح الشمال القطري "

وتابع جمال عبد الحميد :"لو مصطفي محمد راح الاهلي مش هيبقي خليفتي ولا أعرفه ". 

جمال عبد الحميد: زيزو لاعب عادي مش جامد

وفي سياق متصل يري جمال عبد الحميد نجم منتخب مصر الاسبق أن أحمد مصطفي زيزو الوافد الجديد للنادي الاهلي من صفوف الزمالك لاعب عادي مش جامد.

وأشار جمال عبد الحميد :"أمام عاشور وبن شرقي مشيوا من الزمالك وخدنا بطولات وبردو هناخد بعد ما زيزو مشي".

ويضيف جمال عبد الحميد :"زيزو مش لاعب جامد اوي يعني لاعب عادي الزمالك هو اللي لمعه هو بتاع اوفر وضربة جزاء ".

وتابع جمال عبد الحميد :"زيزو مش هو أبو تريكة مثلا  ولا شيكابالا ولا لاعب حريف يمزجك..لاعب كانوا نجوم الزمالك بيحبوه ف كانوا شايلينه وبيخلوه يشوط ضربات جزاء.