عدن - ياسمين فواز - استفز أحد المحامين، سيدة الأعمال ندى كامل، طليقة الفنان أحمد الفيشاوي، بعد أن اعترض على تغليظ عقوبة ضرب الزوجة، وألمحت خلال حديثها عن تعرضها للضرب في غرفة النوم والمنزل قبل انفصالها عن زوجها.

وقالت كامل في ردها على المحامي بغضب: ”يعني حضرتك معترض على تغليظ عقوبة ضرب الست بحجة إن مفيش ”كشك يدافع عن الرجالة“ !!! وإن حضرتك مش مقتنع ومش مصدق وبترفض وبتشجب مشروع القانون ده!! هو أنت مش عايش معانا ولا إيه؟“.

وأضافت: ”ما شوفتش المستشفيات وحالات التشوه الجسدي قبل النفسي اللي بتحصلنا كل يوم من القريب والبعيد؟ ده احنا بنخاف نمشي في الشارع.. مش نتضرب بس.. ولو مشوفتش ومسمعتش يبقي أنت راجل مش عارف ولا فاهم حاجه“.

وتابعت ندى كامل: ”إحنا يا سيدي الفاضل الغافل عما يجري…حرفيا فيه ستات كتير أوي كل يوم بيتضربوا وبيتشوهوا وقلبهم بيتطفي وبنصحى الصبح نجري على أكل عيشنا واللي بتجري على عيالها واللي أصلا شايله البيت اللي فيه ”النطع“ اللي بيضربها“.

ولفتت طليقة الفيشاوي: ”إحنا يا سيدي الفاضل مش عاوزين نحبس الرجالة… إحنا عاوزين أشباه الرجال ..الناقصين اللي بيضربوا الست هما اللي يتحبسوا“.

وتساءلت: ”ليه حضرتك زعلان؟ ما تخلي ”النطع“ يتحبس عشان افترى وده مش طبيعي ومش مقبول.. ربنا قضى بالحق وهو أحكم الحاكمين!! بتعاندوا ليه؟ وليه حطيت العقاب تحت مسمى الحرب؟ يا سيدي الغااافل“.

وشددت ندى كامل على أن ”علاقة الرجل بالمرأة علاقة تفاهم وتكامل. ولم يجعلها علاقة تضاد وتصادم… واذا حسيت نفسك هتضربها… اهجرها.. النصح.. التهديد.. الحرمان… الزجر.. ولكن لا تضربها وكن مؤدب رحيم مش ”نطع“ ولو كل واحده فينا طلعت وقالت اللي بيحصلها صدقني يا سيدي الفاضل الغافل أنت مش هتعمل حاجه غير إنك تحط وشك في الأرض“.

واستقبل العديد من المعلقين رأي ندى كامل بالتأييد، لاسيما مع انتشار ظاهرة تعنيف الزوجة في المجتمع العربي دون رادع حقيقي، فقد قُتلت العديد من النساء وأصيبت بريئات بإعاقات من تعنيف أزواجهن لهن، ومنهن هربن من منازلهن لحماية أنفسهن من الضرب الذي يتعرضن له.

وطالب العديد من المعلقين بتغليظ العقوبات واتخاذ إجراءات صارمة لمحاربة ظاهرة تعنيف المرأة، كما شاركت العديد من نجمات الفن والشهيرات بحملات لمناهضة العنف ضد المرأة؛ لما لهذه الظاهرة من تأثير مدمّر على الأسرة والمجتمع.

  يذكر أن ندى كامل أعلنت في ليلة رأس السنة الحالية انفصالها عن زوجها أحمد الفيشاوي بشكل مفاجئ، ووجهت رسالة تضمنت: ”من امرأه قلبها هلك وانطفأ ..أود أن أعلن عن انفصالي أنا وزوجي أحمد الفيشاوي يوم 21 الشهر الجاري.. وربنا يوفقنا ويكتب لكل واحد فينا السعادة وراحة البال لقد كنت خير صديق وطاب لي العيش معك حتى في أحلك أوقاتنا..“.

وأضافت: ”سأفتقدك كصديق كثيرا ..والرجاء عدم الخوض في هذا الموضوع احتراما لمشاعر أطفالي وأسرتينا لقد عشت معك أربع سنوات واعتقد أني كنت نعم الزوجة ونعم السند وقد أديت وأعطيت كل ما أملك من حب وتضحية لكي ترتاح..ولكني أعتقد أنك الآن سعيد من غيري ولست تعيس.. وأتمنى لنفسي أن أكون أيضا سعيدة.. ولكن.. وإحقاقا للحق.. لقد أعطاني ووهبني كافه حقوقي الشرعية بلا نزاع أو تردد أو لحظه تفكير بل وأكثر..“.