عدن - ياسمين فواز - حرصت عبلة كامل خلال مسيرتها الفنية الطويلة، على عدم الظهور إعلاميا كثيرا، وهو ما جعل حياتها الشخصية محاطة بالغموض.

عبلة كامل تزوجت مرتين كان أولهما من الفنان أحمد كمال، والزيجة الثانية كانت من الفنان الراحل محمود الجندى، لكن لأسباب تعود للخلافات الزوجية والغيرة الفنية كان الطلاق نهاية للزيجتين.وحكى محمود الجندى عن قصة الزواج خلال استضافته فى برنامج "حفلة" للإعلامية سمر يسرى الذى قدمته على قناة on e: "بعد وفاة زوجتى كنت محتاج واحدة تاخد بالها منى وأعجبت بعبلة لإنسانيتها وإنها شبه الستات المصرية وزيى من الفلاحين وعندها طباعنا وأخلاقنا والقيم اللى اتربينا عليها واتجوزنا بعد ما اتفقنا على إننا نراعى ربنا فى بعض".

عامان من الزواج الهادئ جمع الزوجين عبلة كامل ومحمود الجندى، قبل أن يعلنا انفصالهما فى 2005، وحسب محمود الجندى فأنه لم يتقبل غيابها فى التصوير ساعات طويلة، قائلا: "كنت بدور عليها فى بعض الأوقات مش بلاقيها موجودة، وكمان هى ليها بطولات ونجومية أكثر منى وده أثر فيا أوى، وخاصة أنهم يختارونى معها فى الأدوار مجاملة لها وده لا يصح لأنى راجل بحترم موهبتى ونفسى وده أثر فى العلاقة، وده مش أصول البيت اللى اتربيت فيه.. وده أثر على العلاقة لحد ما اتفقنا على الانفصال بناء على رغبتها وده كان اتفاقنا إننا نخرج بالمعروف لو مرتحناش".