مسلم: اخواتي كانوا بيتلموا عليا ويضربوني وكنت بالنسبة ليهم فلوس وبس - الخليج الان

خرج مطرب المهرجانات مسلم ليفتح النار على أهله ويكشف تفاصيل غريبة في العلاقة بينهم، فضلا عن سبب طلاقه الحقيقي من البلوجر يارا، مشيرا إلى أنها لم تحترمه في غيابه ومرضه.

مسلم: طلاقي مش تريند لأني طول عمري تريند 

وقال مسلم في لايف عبر حسابه الرسمي بموقع تبادل الصور والفيديوهات انستجرام رصده موقع تليجراف الخليج: ده  تأكيد للناس اللي طلعت وقالت اني مطلقتش، وموضوع طلاقي ملهوش علاقة بأهلي ولا حد، أنا طلقت مراتي لأنها محترمتنيش في غيابي وفي تعبي وطلعت اتكلمت في حاجات أنا قولتلها متتكلميش فيها، وأنا مش واخد أهلي وطلاقي تريند لأني طول عمري تريند وفرحي كان تريند ويارا الناس متعاطفة معاها من أول المشاكل خالص.

وتابع: أنا فنان وبقدم فن مش أكتر واني أطلق وارجع دي مش حتتي ولا ليا علاقة بيها، ولا بصدر مشاكلي لحد، يارا كانت محترمة جدا معايا وعمرها ما قصرت في حاجة، وإنسانة على أكمل وجه خدماني في كل حاجة وكانت بتساعدني في حياتي الشخصية.

مسلم يفتح النار على أسرته: سبت البيت وانا 15 سنة لاني كنت بتضرب وبتهان

وفتح مسلم النار على أهله، قائلا: لسوء حظي أهلي مكنوش جنبي زيادة عن اللزوم ولا كانوا حنينين عليا وانا 15 سنة سبت البيت وعيشت حياتي لوحدي وده لان اخواتي كانوا بيمدوا ايديهم عليا لما يشفوني كويس في حاجة ويتلموا عليا ويضربوني وكرهوني في حياتي، كنت بتضرب وبيتقل مني وبتهان وامي مكنتش بتعرف تتكلم لان ابويا كان ميت.

وأضاف مسلم: أنا من الناس اللي شقيت جامد ومحدش شاف ده ومش فارقلي الناس تشوف اي ووحياتي ولادي الاتنين مسلم ومالك اني اللي بحكيه حقيقة، وبعد ما نجحت هما مشفوش مسلم غير فلوس وبس ومن أول المشاكل معايا وأنا مبتكلمش لكن تعبت من كتر الضغط والكلام الي زي الزفت بتاعهم.

مسلم عن اشقاءه: كانوا عايزين يقعدوا معايا في نفس البيت ومتكلمش 

واستكمل حديثه المقبل عن أهله: مصدر رزقي كان الحفلات والغناء وأما وقف ده الدنيا مبقتش أفضل حاجة معايا وهما بيدخلوا يطلبوا فلوس ولو وريتكم الاسكرينات قد اي بعت لأختي فلوس بس لولا العيبة مش هعمل كدة، اخواتي كانوا بيجوا معايا الشغل يطلبوا حاجات بنص الفلوس اللي يشتغل بيها وأما اعمل مشروع ياخدوا اصحابهم ويطلبوا حاجات ببلاش غير الفضائح اللي بيعملوهالي.

واختتم حديثه: اتجوزت في سن صغير عشان أمنع نفسي  من الغلط وهما السبب في كل طلقاتي، مفيش واحدة اتجوزتها ومعملوش مشاكل معاها،كنت عامل صندوق بحط فيه حد فلوس لأهلي عشان بعد كل أوردر اوزع عليهم منه، بس الموضوع وصل بيهم أنهم عايزين يقعدوا معايا في نفس البيت اللي فيه مراتي رجالة وستات ومش عايزنها كمان تتكلم.