كشف تامر عبد الحميد نجم الزمالك السابق، عن تقييمه للمجلس الحالي في الزمالك بأنه يستحق 1.5 من عشرة ولازم يمشي منذ أحداث السوبر في الإمارات، ويستعرض تليجراف الخليج التفاصيل. 

تامر عبد الحميد: مجلس الحالي كان لازم يمشي بعد أحداث الإمارات 

وقال تامر عبد الحميد الذي حل ضيفا علي الإعلامي عمر ربيع ياسين في برنامجه "مان تو مان": "تقيمي للمجلس الحالي واحد ونص من عشرة ولازم يمشوا بعد أحداث الإمارات كانوا لازم يمشوا يقدموا استقالاتهم ويمشوا".
وأضاف نجم الزمالك: "هم عارفين عملوا إيه في الإمارات وعارفين وقفة الدولة المصرية معاهم ووقفت الأجهزة الأفاضل معاهم وخرجوهم من مشكلة كبيرة جدا جدا، سوء الإدارة والعنجهية في اتخاذ القرار، وعدم الوعي بالمسئولية اللي موجودة عليك كانت هتعمل أزمة كبيرة جدا ما بينا وبين الأفاضل في الإمارات".

تامر عبد الحميد: 700 ألف ثمن حملة تشويهي عند جمهور الزمالك

أكد تامر عبد الحميد نجم الزمالك السابق، أن هناك حملة لتشويهي مقابل 700 ألف جنيه على مواقع السوشيال ميديا من أجل إسكاتي، وتلقيت عرضا لشرائي من قبل الزمالك.

وقال تامر عبد الحميد : "أنا مدفوع فيا 700 ألف جنيه لإحدى الشركات من أجل تشويهي بالأرقام أهو، علشان أسكت فقط، علشان الناس متسمعش اللي بقوله، مدفوعين لشركة إلكترونية من أجل تشغيل لجان على السوشيال ميديا، يشتروا كومنتات، صفحات تكتب بوستات ضدك، عيال قاعدة ب150 جنيه في البوست".
وأضاف تامر عبد الحميد: "هم عارفين أني أعرف حاجات حاولوا يشتروني معرفوش، الهدف إيه أنهم عارفين إني معايا معلومة فالأمور أنه لازم يسكت وهأوريك محاولة الشراء بس لازم تشهد أمام مصر أنك شوفت عرض الشراء".

وأوضح: "اللي شوفته دلوقتي محاولات شرائي من اتنين مسئولين في نادي الزمالك، مش هينفع تقول بس انت شوفت بعينك عرض الشراء".