تحدث صلاح الشرنوبي عن وفاة نجله وذلك خلال لقاءه مع الإعلامية ياسمين عز في برنامج كلام الناس والمذاع على قناة mbc مصر، مشيرة إلى أنه كان شعلة نشاط وحيوية.

صلاح الشرنوبي يتحدث عن ابنه المتوفي: كان سند والمستشار الأول ليا 

وقال صلاح الشرنوبي في تصريحات رصدها موقع تليجراف الخليج: كان شعلة نشاط وحيوية، هو ابني الأكبر وكان سند ليا وكان المستشار الأول بالنسبة ليا، كل صغيرة وكبيرة برجع له فيها، كان ذكي جدًا ومهندس وأكتر حد كان حابب الامتداد بتاعي أنا كهندسة ومزيكا، كل تفصيلة منذ بدأت وحتى وفاته كان عارفها عني، كان موسوعة كنت معتمد عليه في امتداد شرنوبي، طبعًا ربنا يخليلي ولادي رامي وزياد وأحمد.

وتابع صلاح الشرنوبي: محمد رحمه الله، جاتله فجأة سخونية ورعشة وكان لسه جاي من عمرة قبل رمضان على طول، وكان حضر معايا حدثين وبعد كده راح عمرة مع إخواته ووالدته، وفجأة في شهر 4 حصله سخونية ورعشة وعرضناه على دكاترة وهو من النوع اللي مبيحبش الدكاترة، وبدأ يتحرك مع والدته وإخواته علشان يروح للدكاترة، وكان بياخد مضادات حيوية واتعرض على دكاترة في تخصصات مختلفة وقالوا مفيش مناعة وفيه فيروس وحاولنا نسعفه بأي شكل، وبعد ما احتاروا كل الأطباء قالوا نروح مستشفى الحميات علشان يبحثوا عن سبب الحمى دي، ولكن الفيروس كان متمكن منه ولكن دي حكمة ربنا وقدر الله وماشاء فعل.

صلاح الشرنوبي عن وفاة ابنه: الموقف صعب وربنا ما يوري حد 

واختتم صلاح الشرنوبي: الموقف صعب وربنا ما يوري حد، وده قدر لا أسلم ليه ولا حول ولا قوة إلا بالله العلي العظيم، ويوميًا بقرأ أشياء عن أولادنا وأصحابنا ميعزوش على ربنا الخالق، وبنصح الناس بالاهتمام بالصحة إلا الأقدار اللي لا نملك فيها أي شيء.

معلومات عن الموسيقار صلاح الشرنوبي 

يذكر، أن صلاح الشرنوبي هو ملحن مصري شهير، ولد  حي الأنفوشي بمدينة الإسكندرية، وتخرج من كلية الهندسة قسم الميكانيكا إلا أنه عشق الموسيقى فالتحق بفرقة الموسيقى في الجامعة  وفي عام 1980 تفرغ للتلحين فكان يلحن ويغني في قصور الثقافة والحفلات الخاصة في مدينة الإسكندرية، وبدأت شهرته بعد تلحين أغنية بتونس بيك للمطربة وردة الجزائرية في عام 1991، وقدم بعدها ألحان أغنيات نار الغيرة، مواسم، ياليل، حرمت أحب، ليكون صلاح الشرنوبي هو السبب في تألق وردة في ذلك الوقت بلون مميز وخاص عن باقي النجوم.