خطف الفنان مؤمن نور، أنظار الجمهور، خلال حكاية هند من مسلسل ماتراه ليس كما يبدو، والتي عرضت خلال الأيام الماضية وحققت نجاحا كبيرا. 

تصريحات الفنان مؤمن نور عن دوره في حكاية هند

تحدث الفنان مؤمن نور، في حواره مع موقع تليجراف الخليج، عن بداية قراته لنص الدور في حكاية هند والسبب في انجذابه له قائلا: اول حاجة شدتني للورق هو انه مستوحى من أحداث حقيقية مش ورق مكتوب وخلاص، وده طبعا شدني جدا وحمسني اني اقرا في الأول، وأول ماقريته قلت هعمله يعني هعمله، وكل دور ليا كنت بطلع شر ولكن المرة دي الناس حباني الحمدلله.

وعن سؤاله عن كواليس العمل مع الأبطال والمؤلفة والمخرج قال: المؤلفة هند كانت هايلة، والناس كلها كانت كويسة جدا، وده متهيالي السبب في نجاح العمل لان الناس لو مكنتش كويس كان المسلسل مش هينجح، لان النفوس بانت على الشاشة، والناس كلها كانت متحمسة وحابه بعض، والمخرج كان متحمس، وانا اتمنى اني اشتغل مع المخرج تاني.

وأضاف مؤمن نور في حواره عن رأيه في الفنانة ليلى زاهر، خلال العمل: هي كانت بالنسبالي قنبلة ومفاجأة، وتحسها فعلا أن هي هي الشخصية الحقيقة، ما هو والدها الفنان احمد زاهر حياته كلها تمثيل، فطبيعي بنته تطلع واخده منه، وبصراحة هي ابهرتنا كلنا، والكاست كله كان هايل حتي الناس اللي دورها صغير.

وعن سؤاله عن أن احداث حكاية هند واقعية، وهل من الممكن أن تفتح أبواب لأعمال مشابه خلال الفترة المقبلة قال: اتمنى طيعا وياريت بس دي كلها حاجات في علم الغيب، ولكن الدليل ان لسوق نحتاج ده ان الحكاية دي نحجت جدا وه بيدل ان السوق محتاج النوعية دي من المسلسلات، لان دي تعتبر توعية غير مباشرة وهي دي رسالة الفن، لان الناس ممكن متتقبلش النصيحة او التوعية من حد قريب منهم ولكن ممكن تتقبلها من التلفزيون.

مؤمن نور عن ردود فعل الجمهور: غلب توقعاتي

وعن ردود فعل الجمهور الإيجابية قال: متوقعتش ردود الفعل دي ابدا، انا الحمدلله مؤخرا كل شغلي كان تمام ونجاحه تمام، بس النجاح اللي شوفته في الحكاية وانه كما معروض في موسم الأوف سيزون، ف ده كان حلو اوي وان الناس كمان زعلت انه كان 5 حلقات بس، وده كان بالنسبالي غلب لتوقعتي خالص.