علق أمير عبدالحميد مدرب حراس مرمى النادي الاهلي الجديد ، عن سعادته بالانضمام للجهاز الفني للمارد الأحمر، بعد رحيل المدرب الإسباني خوسيه ريبيرو.

تليجراف الخليج، وكتب أمير عبد الحميد عبر حسابه الرسمي"إنستجرام": أول ول مره دخلت النادي الأهلي كان بالنسبالي دا أول حلم بيتحقق و أنا طفل عنده ١٠ سنين من وقتها و أنا كان عندي أحلام كتير أوي".

وتابع قائلاً:" أولها إني لبست تيشرت النادي و لعبت بإسمه سنين كتير حققت فيهم بطولات، وألقاب، كل يوم ليا في النادي كان حبي ليه بيكبر و أحلامي بتكبر معايا".

وواصل قائلاً:" أكبر أحلامي دي كانت إني حتى لو بعدت عن النادي الأهلي كلاعب إني أرجعله كمدرب لحراس المرمى، النهارده الحلم ده بيتحقق و على قد ما حسيت إن أحلامي اتحققت".

وأردف قائلاً:" حاسس بمسئوليه كبيره تجاه النادي اللي عشت و إتربيت فيه و اللي ليه الفضل عليا في كل اللي أنا وصلتله دلوقتي".

وأكمل قائلاً:" جه اليوم اللي أرد فيه للنادي الأهلي الجميل ده و إن شاء الله أكون قد المسئوليه الكبيره، كل الشكر لكابتن الخطيب و المسئولين في النادي الأهلى على ثقتهم فيا و دعمهم ليا".

وأختتم قائلاً:" و كل الشكر للإتحاد المصري لكرة القدم بقيادة المهندس هاني ابو ريده و كل أعضاء مجلس الإداره لإتحاد الكرة ،كل الشكر للكابتن حسين عبد اللطيف و كابتن عبد الستار صبري و كابتن كريم ايمن و الجهاز الفني بالكامل لمنتخب مصر ٢٠٠٩ و اللاعبين، كل الشكر لجمهور النادي الأهلى العظيم و دعواتكم بالتوفيق لينا في اللي جاي".